+

Jean-Baptiste de PONTEVÈS-BARGÈME 1505 - 1579

+

Balthazar de Pontevès -

 

+

Dit Penafort

En demeurant moy là au chasteau ly avoient faict beaucoup, mais despuis que suis estée hors du chasteau, ny ont faict beaucoup plus. Le soir, sur nuict, y allent cinq, six harquebuziers, en li piquant fort à la porte et disent : « ouvre, Perrotin ». Et Pennafort, vostre frère 4, y venoit respondre : « Que voullé vous, messieurs, attendez au matin ». — « Dubre, fïlz de Perrotin, tyvollen tuar, tu et ton payre ». Y fallet ouvrier. Et puis, quand estent à la chambre, regardoient partout avec harquebouzes et halabardes, l'un disent : « Sy tu non nous duebres prést, une aultre fès ty tuer en tu et ton payre » 2. A tout d'aultres soirs ne voulloient pas que vostre frère de Pennafort dormit plus à la chambre, et monseigneur lui diset : « Ne veullent que dormiez icy pour ce que me veullent venir tuer ceste nuict ; regardes moy au cou que sera pers m'esteguerout ». D'aultres jours ilz y faisoient venir d'enfans avec de bastons pour le battre. Et ung jour luy mirent le las au cou, luy faisoient escripre une lettre. Mondict seigneur allet escripre ainsy que ly disent, mais quand vint à soubsigner, monsieur ne la voulhit pas soubsigner, et ilz ly disent : « Escrips ». Ainsins des choses que l'ong m'a. dict, sy mondict seigneur heust escript ce qu'ilz voulloient, tout nostre bien estoit confisqué, ce que mondict seigneur ne voulhit jamais fère mais luy dict : « Laissez moy fere ma coufession gêner aile, et puis tués moy.